Politikë
Kusari-Lila takon ambasadoren e Izraelit në përfundim të mandatit diplomatik
Reklamë e Sponsorizuar
Ministrja e Industrisë, Ndërmarrësisë dhe Tregtisë, Mimoza Kusari-Lila, ka pritur në takim lamtumirës ambasadoren e Izraelit në Kosovë, Tamar Ziv, në përmbyllje të mandatit të saj diplomatik.
Kusari-Lila ka bërë të ditur se gjatë takimit kanë diskutuar për bashkëpunimin bilateral, shkëmbimin e përvojave dhe mundësitë për thellimin e bashkëpunimit në fushën e inovacionit.
Theks i veçantë, sipas saj, i është kushtuar Ligjit për Inovacionin dhe rolit të Fondit të Inovacionit në zhvillimin e ekosistemit inovativ në Kosovë.
Ajo ka falënderuar ambasadoren Ziv për angazhimin dhe kontributin në forcimin e marrëdhënieve ndërmjet Kosovës dhe Izraelit, duke i uruar suksese në angazhimet e ardhshme.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: