Lajmetereja | --:-- | Kosovë & Rajoni
Politikë

Kurti: Lojërat Mesdhetare 2030 do të organizohen me standardet më të larta dhe pa korrupsion

Redaksia Lajmetereja • 19-11-2026 13:42
Shpërndaj:
Reklamë e Sponsorizuar
Kurti: Lojërat Mesdhetare 2030 do të organizohen me standardet më të larta dhe pa korrupsion
Kryeministri i vendit, Albin Kurti, ka theksuar se institucionet janë duke i kryer të gjitha përgatitjet e nevojshme për pritjen e Lojërave Mesdhetare “Prishtina 2030”. Megjithatë, ai ka shprehur shqetësimin se mungesa e një harmonizimi të brendshëm mund të përbëjë rrezik për këtë ngjarje të rëndësishme sportive. Duke iu referuar punës së deritanishme, kreu i ekzekutivit njoftoi se tashmë është zhvilluar një takim i Këshillit Organizativ. Ai vlerësoi lart partneritetin dhe bashkëpunimin me Komitetin Olimpik të Kosovës, por bëri me dije se e kundërta po ndodh me nivelin e bashkëpunimit nga ana e Komunës së Prishtinës. “Vazhdoj të jem optimist, por optimist i përmbajtur, sepse kush bën mirë nuk e ka të lehtë të shtyhet me dikë që bën të kundërtën. Në këtë aspekt, bashkëpunimi me Komitetin Olimpik të Kosovës ka qenë i mirë, por kjo nuk mund të thuhet edhe për Komunën e Prishtinës, prandaj jemi në këtë situatë. Do ta bëjmë më të mirën e mundshme, por do ta bëjmë me çdo kusht pa korrupsion. Duhet theksuar se vonesat kryesore i kemi për shkak se Ligji për Lojërat Mesdhetare ka qëndruar tepër gjatë në Gjykatën Kushtetuese dhe kjo na e ka bllokuar ecjen përpara”, u shpreh Kurti.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar