Alarm te Milani: Mike Maignan pëson dëmtim gjatë impenjimit me Francën

Lajme shqetësuese kanë ardhur nga kampi i përfaqësueses së Francës për klubin e Milanit. Portieri titullar i “kuqezinjve”, Mike Maignan, është detyruar ta lërë fushën e blertë për shkak të një dëmtimi gjatë përballjes së fundit ndërkombëtare. Problemi fizik për 31-vjeçarin ndodhi gjatë pjesës së parë, pas një kontakti të fortë me sulmuesin turk, Gul. Pas këtij përplasjeje, Maignan ndjeu dhimbje në kofshën e djathtë, çka bëri që stafi teknik të vendoste zëvendësimin e tij menjëherë në fillim të pjesës së dytë, duke i lënë vendin portierit Restes. Në ditët në vijim, gjendja shëndetësore e gardianit francez do t’i nënshtrohet ekzaminimeve mjekësore të detajuara. Nëse ai nuk arrin të rikuperohet në kohë për sfidën e kampionatit ndaj Frosinones, të planifikuar për të dielën e 22 nëntorit, trajneri pritet t’ia besojë portën Torrianit.