Nderim Saraçi shpallet kampion i Kosovës në shahun rapid për vitin 2026

Në ambientet e 'Capital Gate' në Prishtinë, Federata e Shahut e Kosovës ka organizuar me sukses Kampionatin Individual të Kosovës në shahun rapid për vitin 2026. Ky turne mblodhi gjithsej 76 shahistë, të cilët garuan në një atmosferë tejet konkurruese për titullin më të mirë në vend. Garat u zhvilluan nëpërmjet sistemit zviceran me 9 xhiro, duke aplikuar tempin e lojës prej 10 minutash me shtesë prej 5 sekondash për secilin lëvizje. Ceremonia e hapjes së kampionatit u krye nga Sekretari i Përgjithshëm i Federatës së Shahut të Kosovës, Burhan Misini, i cili njëherësh mbajti edhe rolin e gjyqtarit kryesor. Niveli i lartë i pjesëmarrësve bëri që gara të ishte tejet e balancuar, ku vendimi për fituesin u zbardh vetëm pas përfundimit të xhiros së nëntë. Pasi tre shahistë përfunduan garën me nga 7,5 pikë secili, titulli i kampionit u përcaktua përmes sistemit të Buhollcit. Nderim Saraçi u shpall zyrtarisht kampion i Kosovës për vitin 2026, ndërsa Muhamet Asllani u rendit si nënkampion. Në pozitën e tretë u pozicionua Mahmut Xheladini, gjithashtu me 7,5 pikë. Pas tij, në renditje u pasuan nga Mateo Boçi, Korab Saraçi dhe Bedri Sadiku me nga 7 pikë, si dhe Lir Basha e Alban Krasniqi me nga 6,5 pikë. Për mbarëvajtjen e rregullt dhe ndarjen e drejtësisë u kujdesën gjyqtarët Burhan Misini, Albert Zenuni dhe Osman Musa. Falë këtij suksesi, Nderim Saraçi dhe Muhamet Asllani fituan të drejtën për të përfaqësuar Kosovën në Kampionatin Evropian 2026, i cili do të zhvillohet në Portugali nga data 4 deri më 9 dhjetor.