Magjia e Rei Manajt: Shqipëria kalon në epërsi ndaj Bjellorusisë dhe prek suksesin historik

Kombëtarja shqiptare e futbollit ka zhbllokuar rezultatin në sfidën vendimtare ndaj Bjellorusisë, e vlefshme për takimin final të Ligës C në Ligën e Kombeve. Goli i avantazhit për “Kuqezinjtë” erdhi në minutën e 28-të, falë një intuite të mprehtë të sulmuesit Rei Manaj. Ai shfrytëzoi në mënyrë perfekte një pavendosmëri në radhët e prapavijës bjelloruse, duke ndëshkuar menjëherë gabimin e kundërshtarit. Manaj tregoi shpejtësi dhe forcë në dyluftimin me mbrojtësin bjellorus, për ta dërguar më pas topin në rrjetë me një goditje të saktë, duke lënë të pafuqishëm portierin vendas. Ky rezultat është tejet domethënës për skuadrën tonë, pasi i siguron Shqipërisë ngjitjen në Ligën B, ndërsa njëkohësisht garanton pjesëmarrjen në fazën “play-off” për kualifikimet në “Euro 2028”.