Parashikimi i motit: Ja çfarë na pret gjatë javës së ardhshme në vend

Instituti Hidrometeorologjik ka publikuar parashikimin zyrtar të motit për pesë ditët e ardhshme në territorin e Kosovës, duke paralajmëruar kushte atmosferike me ndryshime të shpeshta. Sipas të dhënave zyrtare, periudha nga 16 deri më 20 nëntor 2026 do të karakterizohet nga një dinamikë e motit, ku do të mbizotërojnë kushte të buta vjeshtore. Cikli i ri meteorologjik do të hapet ditën e hënë me vranësira të dendura dhe reshje të izoluara shiu. Gjatë kësaj dite, termometrat do të shënojnë vlera minimale mes 3 dhe 7 gradë Celsius, ndërsa ato maksimale do të lëvizin ndërmjet 8 dhe 13 gradë Celsius. Ndryshimet e para pozitive do të vërehen të martën, kur parashikohet një stabilizim i kushteve atmosferike, i shoqëruar me intervale me diell dhe vranësira kalimtare. Murse dita e mërkurë do të sjellë një kombinim të orëve me diell dhe mundësi reale për riga lokale shiu në zona të caktuara. Ndërkohë, dita e enjte do të mbizotërohet nga vranësira më të theksuara dhe reshje të kohëpaskohshme shiu nëpër rajone të ndryshme. Fundjava në prag do të nisë të premten me një mot kryesisht të vranët, i cili megjithatë do të shoqërohet edhe me periudha me diell. “Temperaturat minimale do të lëvizin nga 3 deri në 10°C. Ndërsa, temperaturat maksimale nga 8 deri në 20°C. Era do të fryjë kryesisht nga veriperëndimi dhe jugperëndimi. Në përgjithësi, java do të karakterizohet me mot të butë vjeshtor”, theksohet në njoftimin zyrtar të IHMK-së.