Kërcënuan se do ta vrisnin bashkë me të birin: Policia prangos dy persona në Prishtinë

Dy persona kanë përfunduar prapa megratave në kryeqytet, pasi dyshohen se kanë kanosur me jetë një qytetar dhe djalin e tij. Ngjarja ka ndodhur mbrëmjen e së shtunës, rreth orës 18:14. Bazuar në të dhënat nga raporti 24-orësh i Policisë së Kosovës, viktima ka denoncuar rastin në organet e rendit, duke deklaruar se dy të dyshuarit e kanë kërcënuar seriozisht se do ta privojnë nga jeta atë së bashku me të birin. Stacionet policore kanë reaguar menjëherë duke bërë të mundur lokalizimin dhe arrestimin e të dyshuarve. Pas përfundimit të procedurave të intervistimit, me vendim të prokurorit kujdestar, dy të arrestuarit janë dërguar në mbajtje.