Barcelona vihet në lëvizje: Dy mbrojtësit që po monitorohen nga afër për merkaton e ardhshme

Barcelona ka nisur tashmë planifikimin për merkaton e ardhshme, ku përforcimi i repartit të mbrojtjes mbetet prioriteti kryesor i drejtuesve katalanas. Ndonëse në media janë lakuar emra të shumtë, klubi ka ngushtuar rrethin e kërkimeve duke u fokusuar vetëm te dy objektiva konkretë. Sipas informacioneve të fundit, skautët e Barcelonës kanë qenë të pranishëm në stadiumin “La Bombonera” për të ndjekur nga afër përballjen mes Argjentinës dhe Uruguajit, me qëllim vëzhgimin e dy lojtarëve specifikë. Fokusi kryesor i vëzhguesve ishte te Lisandro Martínez. Mbrojtësi 28-vjeçar, i cili aktualisht luan për Manchester United, ndodhet prej kohësh në listën e dëshirave të katalanasve. Kontrata e tij aktuale me “Djajtë e Kuq” përfundon në fund të këtij sezoni, ndonëse ekziston opsioni për një zgjatje edhe për një vit tjetër. Mundësia për ta afruar atë me kosto zero është një skenar që e bën këtë transferim tejet tërheqës për Barcelonën. Krahas tij, klubi spanjoll po ndjek me vëmendje edhe Juan Rodriguez. Qendërmbrojtësi 21-vjeçar, i cili është pjesë e Cagliari-t, ka rënë në sy për paraqitjet e tij të qëndrueshme dhe nivelin e lartë të treguar gjatë këtij sezoni në kampionatin italian, Serie A.