Kosova kërkon triumfin ndaj Izraelit në “Fadil Vokrri”, mbështetja e publikut çelësi i suksesit

Përfaqësuesja e Kosovës zbret mbrëmjen e sotme në fushën e stadiumit “Fadil Vokrri” në kryeqytet, ku do të përballet me Izraelin në një duel me peshë specifike për ecurinë e saj. Të besuarit e trajnerit Franco Foda synojnë të kapitalizojnë faktorin fushë dhe energjinë e zjarrtë të tifozëve për të siguruar një rezultat inkurajues, i cili do t'i shërbente ambicjeve të skuadrës në këtë edicion të Ligës e Kombeve. Ajo që i paraprin kësaj sfide është bilanci prej katër takimesh i Kombëtares, e cila deri më tani numëron një fitore, dy barazh dhe një humbje, statistika këto që i kanë sjellë pesë pikë në llogari. Këto rezultate e pozicionojnë Kosovën në vendin e dytë të Grupit B3, duke lënë një diferencë prej tri pikësh nga kryesuesit e Austrisë. Formacionet zyrtare: Kosova: Shaipi, Kamberi, Hajrizi, Krasniqi; Gallapeni, Hoxha, Avdullahu, Vojvoda, Zhegrova, Rashica dhe Muriqi. Izraeli: Da. Peretz, Dasa, Shlomo, Yehosha, Nachmias, Stoinov, Abada, Do.Peretz, Azoulay, Gloukh dhe Tociomit.