Histori suksesi: Shqiptari Mateu Boçi ngjitet në majën e Europës në shah

Talenti shqiptar i shahut, Mateu Boçi, ka shkruar historinë duke u kurorëzuar kampion Europe për grupmoshën U16. Ky sukses i jashtëzakonshëm u arrit në kuadër të Kampionatit Europian të Shahut për të Rinj 2026, i zhvilluar në Hersonissos të Kretës. Në një garë të fortë mes shahistëve më të mirë të kontinentit, Boçi arriti të triumfojë falë përqendrimit, përgatitjes së lartë teknike dhe karakterit të fortë që shfaqi në çdo përballje. Performanca e tij dominuese e vendosi atë në vendin e parë, duke bërë krenarë të gjithë sportdashësit shqiptarë. Federata Shqiptare e Shahut (FSHSH) ka reaguar pas këtij triumfi të madh, duke theksuar përmes një njoftimi zyrtar: “Flamuri kuq e zi valon në majë të Europës! FSHSH uron Mateun, trajnerin e tij personal Z. Kristaq Andonin dhe familjen e tij. Ky triumf është fryt i punës, sakrificës dhe besimit të tyre të përbashkët”.