Kombëtarja e Izraelit mbërrin në Prishtinë, kapiteni Dasa: Kosova ka potencial për histori

Përfaqësuesja e Izraelit ka mbërritur në kryeqytetin e Kosovës, ku po zhvillon përgatitjet e fundit para duelit të nesërm ndaj 'Dardanëve', sfidë kjo e vlefshme për xhiron e pestë në kuadër të Ligës B të Kombeve. Kjo ndeshje mes Kosovës dhe Izraelit është caktuar të luhet të shtunën në stadiumin legjendar “Fadil Vokrri”, me fillim nga ora 15:00. Në aspektin e renditjes tabelare, Kosova pozicionhet në vendin e dytë të Grupit 3 me pesë pikë në llogarinë e saj, ndërkohë që izraelitët mbyllin tabelën në vendin e fundit me vetëm dy pikë të grumbulluara. Në prag të këtij takimi delikat, kapiteni i skuadrës izraelite, Eliezer “Eli” Dasa, ka ndarë mendimet e tij, duke i thurur elozhe përfaqësueses kosovare. "Çdo fushatë që nisim, flitet se ky është brezi i duhur. Vendi është jashtëzakonisht i uritur dhe i etur për të siguruar kualifikimin në një turne të madh, por çdo gjë ndërtohet nga e para çdo herë", u shpreh Dasa fillimisht. "Ndonjëherë pritshmëritë janë po aq të larta sa edhe zhgënjimet. Megjithatë, unë kam besim të plotë te futbollistët dhe stafi teknik. Ata kanë kapacitetin të realizojnë gjëra të mëdha, pasi ekipet po përmirësohen ndjeshëm me kalimin e kohës", shtoi kapiteni izraelit.