Lëvizje e papritur në krye të institucionit, dorëhiqet drejtori i IKMT-së Afrim Qendro

Kreu i Inspektoratit Kombëtar të Mbrojtjes së Territorit (IKMT), Afrim Qendro, ka paraqitur dorëheqjen e tij nga funksioni që mbante, pak kohë pasi kishte marrë drejtimin e këtij institucioni. Lajmi për largimin e tij është konfirmuar nga burime zyrtare pranë Ministrisë së Brendshme, ndërkohë që deri në këto momente mungon një komunikatë zyrtare apo një arsyetim publik mbi motivet që kanë shtyrë drejtuesin drejt këtij vendimi. Afrim Qendro kishte marrë drejtimin e IKMT-së në shkurt të vitit 2026, duke zëvendësuar në këtë detyrë paraardhësen e tij, Dallëndyshe Bici. Gjatë karrierës së tij institucionale, ai ka mbajtur edhe pozicione të tjera drejtuese, përfshirë atë të drejtorit të Autoritetit Rrugor Shqiptar (ARRSH) dhe Prefektit të Qarkut Tiranë.