Problem i madh për Izraelin para përballjes me Kosovën në “Fadil Vokrri”

Përfaqësuesja e Kosovës ka hyrë në fazën përfundimtare të përgatitjeve për duelin e rëndësishëm kundër Izraelit, i cili është caktuar të luhet më 14 nëntor, duke filluar nga ora 15:00, në stadiumin “Fadil Vokrri” në kryeqytet. “Dardanët” synojnë vetëm triumfin në këtë takim shtëpiak, me qëllim që të mbrojnë vendin e dytë në Grupin 3 të Ligës B brenda Ligës së Kombeve. Megjithatë, kampi kundërshtar po përballet me mungesa të rëndësishme. Sipas njoftimeve të mediave nga ky shtet të publikuara gjatë ditës së enjte, mbrojtësi i majtë, Roy Revivo, rrezikon seriozisht të mos paraqitet në sfidën e së shtunës në Prishtinë. “Roy Revivo ka shfaqur probleme me një lëndim muskulor dhe nuk pritet të zbritet në fushë kundër Kosovës, ndërsa Manor Solomon, për shkak të shqetësimeve në shpinë, nuk është në gjundje fizike për të përballuar një ndeshje të plotë dhe si rrjedhojë mund të mos e nisë takimin nga minuta e parë”, thuhet në raportimet e mediave të enjten.