Bella Hadid zyrtarizon lidhjen e re: Modelja shfaqet e lumtur në krahët e Nathan Lacy

Modelja e mirënjohur Bella Hadid ka ndarë me ndjekësit e saj një kapitull të ri të jetës private, duke konfirmuar zyrtarisht lidhjen e saj sentimentale. 30-vjeçarja ka publikuar në rrjetet sociale imazhe të përbashkëta me partnerin e saj, Nathan Lacy, duke i dhënë fund spekulimeve rreth statusit të saj emocional. Kjo është hera e parë që bukuroshja e pasarelave vendos ta bëjë publike këtë romancë përmes llogarisë së saj në Instagram. Dalja e parë e çiftit në publik ndodhi mbrëmjen e së shtunës, teksa po shijonin një ndeshje hokeji të ekipit Colorado Avalanche. Imazhet e shpërndara reflektojnë një atmosferë mjaft romantike mes dyshes. Në fotografitë e publikuara, modelja shfaqet mjaft e afërt me partnerin e saj, ndërsa në një prej momenteve të kapura nga aparati, Nathan Lacy shihet duke e puthur me përkëdheli në faqe, duke vulosur kështu momentin e ëmbël mes tyre.