Incident në Tetovë: Ndalohen katër shtetas polakë pasi dëmtuan hyrjen e magazinave ushtarake

Sektori për Punë e Brendshme (SPB) në Tetovë ka konfirmuar ndalimin e katër shtetasve të huaj, të cilët dyshohet se kanë shkaktuar dëme materiale në hyrjen e magazinave ushtarake të vendosura në zonën e njohur si “Erebinë”. Sipas informacioneve zyrtare, ngjarja është regjistruar më 28.09.2026, rreth orës 18:24. Policia Ushtarake e Armatës së Republikës së Maqedonisë së Veriut ka njoftuar policinë vendase se disa persona, duke lëvizur me mjete motorike të tipit katërrotorë (ATV), kishin dëmtuar derën e objektit ushtarak. Efektivët që ndodheshin në detyrë si roje në këtë lokacion kanë ndërhyrë menjëherë, duke ndaluar katër shtetas polakë: H.M.A. (55), D.K.V. (55), K.V. (41) dhe K.J.R. (36). Ndërkohë, tre persona të tjerë që drejtonin po ashtu mjetet ATV kanë arritur të largohen nga vendi i ngjarjes para mbërritjes së forcave shtesë. Të dyshuarit e ndaluar janë privuar nga liria, pasi ekziston dyshimi i bazuar se kanë kryer veprën penale të paraprirë në nentin 350 të Kodit Penal, e cila ka të bëjë me "hyrje të paautorizuar në objekte ushtarake". Autoritetet e rendit nga SPB Tetovë bëjnë me dije se aktualisht po zhvillohen hetime intensive dhe po ndërmerren veprime operativo-juridike për kapjen e tre personave të arratisur. Sapo rasti të dokumentohet plotësisht, ndaj tyre do të ngrihen kallëzimet përkatëse penale.