Egjipti godet rrjetin evropian: 35 subjekte islame në listën e zezë, mes tyre edhe një organizatë nga Kosova

Shteti egjiptian ka ndërmarrë një hap të bujshëm duke shtuar zyrtarisht 35 shoqata, institucione dhe organizata islame që veprojnë në kontinentin evropian në regjistrin kombëtar të entiteteve terroriste. Në këtë listë të zezë, e cila përfshin gjithashtu edhe 36 persona fizikë, bën pjesë edhe një subjekt me seli në Kosovë. Vendimi zyrtar ka marrë formë të prerë nga Gjykata Penale e Kajros, ndërsa sanksionet e përcaktuara do të mbeten fuqiplotë për një periudhë pesëvjeçare. Burimet mediatike bëjnë me dije se në mesin e subjekteve të goditura figuron Fondacioni Kulturor për Shkencë dhe Edukim, që ushtron veprimtarinë e tij në Kosovë. Kreu i kësaj liste mban Këshilli i Myslimanëve Evropianë bashkë me të gjitha degët e tij, pasuar nga strukturë të rëndësishme rajonale si Këshilli Evropian për Fetva dhe Kërkime, Këshilli Evropian i Imamëve dhe Instituti Evropian i Shkencave Humane. Masat ndëshkimore përfshijnë gjithashtu shoqata të njohura kombëtare islame nga Franca, Britania e Madhe, Gjermania, Zvicra, Italia, Suedia, Austria, Belgjika dhe disa vende të tjera të Bashkimit Evropian. Bazuar në legjislacionin vendor egjiptian kundër terrorizmit, përfshirja në këtë listë sjell menjëherë pezullimin e çdo lloj aktiviteti të këtyre strukturave brenda territorit të Egjiptit, ngrirjen e fondeve dhe pasurive të tyre, si dhe ndalimin e çdo forme të mbledhjes së kontributeve apo financimeve në emër të tyre. Pavarësisht kësaj, ky vendim gjyqësor ka shtrirje juridike ekskluzivisht brenda kufijve të Republikës Arabe të Egjiptit. Kjo do të thotë se masa nuk përbën detyrim dhe nuk sjell ndonjë veprim të ngjashëm automatik nga autoritetet e Bashkimit Evropian, institucionet e Kosovës apo shtetet e tjera evropiane ku këto organizata janë të regjistruara ligjërisht dhe funksionojnë rregullisht. Lista e plotë e organizatave të shpallura terroriste përfshin: Këshilli i Myslimanëve Evropianë (Council of European Muslims) – përfshirë degët e tij (në mbarë Evropën) Këshilli Evropian për Fetva dhe Kërkime (European Council for Fatwa and Research) (në mbarë Evropën) Këshilli Evropian i Imamëve (European Council of Imams) (në mbarë Evropën) Këshilli Evropian për Familjen Myslimane (European Council for the Muslim Family) (në mbarë Evropën) Këshilli Evropian për Kuranin e Shenjtë (European Council for the Holy Quran) (në mbarë Evropën) Këshilli Evropian për Gratë Myslimane (European Council for Muslim Women) (në mbarë Evropën) Forumi Evropian i Studentëve Islamikë (European Islamic Students Forum) (në mbarë Evropën) Instituti Evropian i Shkencave Humane (European Institute of Human Sciences) – përfshirë degët e tij (në mbarë Evropën) Shoqata Kulturore “Al-Mustaqbal” – Shqipëri Fondacioni Kulturor për Shkencë dhe Edukim – Kosovë Shoqata e Rinisë Islame – Maqedonia e Veriut Shoqata “AKOS” për Edukim dhe Kulturë – Bosnjë dhe Hercegovinë Myslimanët e Francës (Muslims of France) – Francë Shoqata Myslimane e Britanisë (Muslim Association of Britain) – Mbretëria e Bashkuar Komuniteti Islamik Gjerman (German Islamic Community) – Gjermani Lidhja Myslimane Zvicerane (Swiss Muslim League) – Zvicër Shoqata Islame në Itali – Itali Kompleksi Kulturor Islamik – Austri Lidhja Myslimane e Belgjikës – Belgjikë Shoqata Islame Holandeze – Holandë Shoqata Islame për Dialog dhe Bashkëjetesë – Spanjë Shoqata Islame Irlandeze – Irlandë Shoqata Islame në Suedi – Suedi Këshilli Islamik Danez – Danimarkë Shoqata Islame në Norvegji – Norvegji Shoqata Islame në Finlandë – Finlandë Shoqata Islame në Poloni – Poloni Unioni i Studentëve Myslimanë – Republika Çeke Shoqata Myslimane e Hungarisë – Hungari Shoqata Islame dhe Kulturore – Rumani Qendra Arabo-Greke për Kulturë dhe Qytetërim – Greqi Shoqata Kulturore Islame “Al-Salam” – Moldavi Këshilli i Myslimanëve të Ukrainës – Ukrainë Unioni i Organizatave Islame në Rusi – Rusi Shoqata “Al-Hikma” për Shkencë, Miqësi dhe Bashkëpunim – Turqi