Publikuar më: Një rast i rëndë dhune në familje është denoncuar më 2 korrik në Policinë e Zveçanit nga një 24-vjeçare me inicialet J.A., e cila ka raportuar se është maltretuar fizikisht nga i dyshuari D. Dj., 40-vjeçar me të cilin ka një fëmijë tre muajsh jashtë martese. Sipas deklarimit të saj, dhuna kishte ndodhur në muajin mars të këtij viti, konkretisht midis datave 15-22 mars 2025, në rrugën “Lugina e Diellit” në Zveçan, kohë kur ajo ndodhej në muajin e tetë të shtatzënisë. Viktima nuk e kishte raportuar menjëherë ngjarjen, por tani ka vendosur të kërkojë drejtësi përmes institucioneve. Policia ka tentuar të lokalizojë të dyshuarin, por pa sukses deri më tani. Me urdhër të Prokurorit të Shtetit, rasti është iniciuar si “Sulm”, dhe hetimet janë në vazhdim.