Operacioni në Korçë: 57-vjeçari shpërndante kokainë brenda biznesit që kishte marrë me qira

Një operacion antidrogë i zhvilluar në zonën e Korçës ka çuar në prangat e autoriteteve një 57-vjeçar, i cili dyshohet se përdorte ambientet e një lokalit të marrë me qira për të zhvilluar aktivitetin e paligjshëm të shitjes së lëndëve narkotike. Burimet zyrtare bëjnë me dije se i arrestuari është shtetasi Spiro Bregu, banor i fshatit Drithas në Maliq. Gjatë ndërhyrjes dhe kontrollit të ushtruar në ambientet e biznesit të tij në fshatin Drithas, shërbimet e policisë zbuluan dhe sekuestruan një sasi lënde të dyshuar kokainë, e cila ishte e ndarë në doza të vogla dhe gati për t'i u shitur klientëve. Hetimet e deritanishme, të ndjekura përmes metodave speciale pëjatë disa javëve nga Specialistët për Hetimin e Narkotikëve, sollën finalizimin e suksesshëm të operacionit të koduar “Drithas”. Pas kontrollit në lokal, efektivët shtrinë verifikimet edhe në banesën e 57-vjeçarit, ku u zbulua një tjetër sasi lënde narkotike e dyshuar si kokainë, si dhe një peshore elektronike që shërbente për ndarjen e dozave. Punonjësit e policisë, nën drejtimin e Prokurorisë, po vijojnë veprimet hetimore për zbardhjen e plotë dhe dokumentimin ligjor të kësaj veprimtarie kriminale. Në përfundim të veprimeve të para hetimore, materialet procedurale i lëshuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për ndjekjen e mëtejshme të përgjegjësisë penale.