Përplasja në BBVK: Arlinda shënjestron Vjollcën për manipulim dhe lojëra rolesh

Dinamikat brenda shtëpisë më të famshme në vend, Big Brother VIP Kosova, vazhdojnë të jenë të tensionuara, ndërsa banorët po hapin letrat e tyre për strategjitë e lojës. Së fundmi, Arlinda ka drejtuar akuza të forta ndaj Vjollcës, duke pretenduar se kjo e fundit po përpiqet të ushtrojë ndikim dhe të manipulojë qëndrimet e konkurrentëve të tjerë përmes sjelljeve të llogaritura. “Ajo ndjek një skenar ku herë shfaqet në rolin e nënës e herë të motrës, duke krijuar situata të dyshimta dhe duke u munduar të na manipulojë të gjithëve”, është shprehur Arlinda, duke shtuar se nuk ka vend për strategji të tilla artificiale brenda shtëpisë.