Situatë alarmante për median në Shqipëri, EFJ: 55 sulme ndaj gazetarëve brenda 18 ditëve

Federata Evropiane e Gazetarëve (EFJ) ka shprehur shqetësimin e thellë lidhur me klimën e sigurisë përfaqësuesve të medias në territorin shqiptar, duke alarmuar opinionin publik për shifrat e larta të dhunës gj zhvillimit të tubimeve të fundit. Përmes një deklarate zyrtare, kjo organizatë bën të ditur se pjesa dërrmuese e akteve të dhunës ndaj gazetarëve kanë si autorë efektivët e Policisë së Shtetit. Në këtë linjë, EFJ u ka bërë thirrje institucioneve kompetente në Shqipëri që të ndërmarrin hapa konkretë për garantimin e integritetit të punonjësve të medias dhe për të siguruar drejtësi duke vendosur para përgjegjësisë ligjore të gjithë autorët e këtyre sulmeve.