Rrëfimi prekës i vajzës së Angelina Jolie: Beteja e vështirë me çrregullimin e të ngrënit dhe ditët në spital

Vivienne Marcheline Jolie, 18-vjeçarja, vajza e aktorëve të njohur Angelina Jolie dhe Brad Pitt, ka ndarë me publikun një nga periudhat më të errëta të jetës së saj, duke zbuluar se në fillim të këtij viti është shtruar në spital për shkak të një çrregullimi të të ngrënit. Ajo ka rrëfyer këtë përvojë të ndjeshme përmes një ekspozite të re artistike të titulluar "Një galeri mbi durimin te pacientët". Përveç punimeve ilustruese, ajo ka ekspozuar edhe pjesë nga ditari i saj personal, ku sjell në vëmendje ditët e kaluara në institucionin shëndetësor, një vend që ajo dhe shoqëria e saj e quanin simbolikisht "Fusha e Tulipanëve". Në hyrje të ekspozitës, ajo ka shkruar: "Në fillim të këtij viti, u shtrova në spital për një çrregullim të të ngrënit. Isha e zemëruar, e sëmurë dhe shumë e vetmuar". E njohur në qarqet artistike me pseudonimin V Marcheline, Vivienne ka treguar se me kalimin e kohës situata nisi të përmirësohej falë njerëzve që e rrethonin. "Megjithatë, mirësia dhe ngrohtësia e fëmijëve të tjerë dhe stafit të spitalit më ndihmuan to hapesha me kalimin e kohës. Nuk kam qeshur ose qarë kurrë kaq shumë, as nuk kam qenë ndonjëherë më e sinqertë me veten", ka pohuar ajo. Një prej vizatimeve paraqet një kabinë telefonike dhe një lule tulipan pranë një karrigeje ku ndodhet një kufje telefoni. Kësaj vepre ajo i ka shoqëruar një shënim nga data 4 prill, ku shkruan: "Dua një përqafim aq shumë sa i gjithë trupi im është në spazma". Ndërsa në një shënim tjetër të datës 22 prill, ajo shprehet: "Duhet ta lë veten të shkatërrohem që të ndihem më mirë". Ky rrëfim vjen vetëm pak ditë pasi drejtësia në Los Anxhelos i dha dritën jeshile kërkesës së Vivienne për të hequr zyrtarisht mbiemrin e babait të saj, Pitt, duke mbajtur tashmë vetëm mbiemrin e nënës si Vivienne Marcheline Jolie. Deri më tani, katër nga fëmijët e ish- çiftit të njohur kanë ndërmarrë hapa ligjorë për të ndryshuar mbiemrin. Përveç Vivienne, këtë e kanë bërë edhe Maddox (25), Zahara (21) dhe Shiloh (20), ndërsa vëllai binjak i Vivienne, Knox, dhe Pax (22) nuk kanë bërë ende kërkesa të tilla dhe planet e tyre mbeten të panjohura. Vlen të theksohet se Vivienne kishte nisur të përdorte mbiemrin e nënës në krijimtarinë e saj artistike që prej vitit 2024. Ajo ishte gjithashtu personi që inkurajoi Angelina Jolie të angazhohej në produksionin e shfaqjes së njohur të Broadway-t, "The Outsiders". Në shtator të këtij viti, ajo prezantoi zyrtarisht krijimet e saj grafike. E mbështetur nga vëllai i saj Knox, ajo mori pjesë në një panair të hapur në Los Anxhelos, ku hodhi në treg punimet, afishet dhe kartolinat e ditëlindjeve të dizajnuara vetë.