Njoftim nga KRU “Mitrovica”: Nis aksioni për ndërhyrje në rrjetin e ujësjellësit dhe kanalizimit në disa zona

Kompania Rajonale e Ujësjellësit “Mitrovica” ka bërë të ditur se brigadat e saj të terrenit do të ndërmarrin disa ndërhyrje emergjente dhe të rregullta në infrastrukturën e ujësjellësit dhe kanalizimit në disa lokacione të ndryshme. Bazuar në planin e punës, aksioni për përmirësimin e rrjetit të ujësjellësit do të shtrihet në rrugët “Viktor Hygo”, “Bill Klinton”, “Hoxhë Hasan Tahsini”, “Xhevat Jusufi”, “Haki Misini”, “Ferki Aliu”, dhe “Obilićeva”, si dhe në vendbanimet rurale Gradec dhe Frashër. Ndërkaq, paralelisht me këto punime, ndërhyrje specifike në rrjetin e kanalizimit janë planifikuar të realizohen përgjatë rrugëve “Muzeu”, “Fadil Deliqi”, “Kralja Petra I”, si dhe në fshatin Vinarc i Poshtëm. Për shkak të natyrës së këtyre punimeve, nga KRU “Mitrovica” theksojnë se banorët e zonave të prekur mund të përballen me ndërprerje të përkohshme të rrjedhës së ujit të pijshëm gjatë kohës së zhvillimit të aksionit. Gjithashtu, ndërmarrja ka sqaruar se pas rivendosjes së furnizimit, uji mund të shfaqë një turbulltër kalimtare. Për këtë arsye, konsumatorët këshillohen që ta lënë ujin të rrjedhë për pak minuta nga rubinetet e tyre derisa ai të kthjellohet plotësisht për përdorim.