Liria shkëputet në krye të Ligës së Parë, zbardhë rezultatet e plota të javës së 15-të

Skuadra e Lirisë nga Prizreni ka krijuar një epërsi prej tri pikësh ndaj ndjekëses më të afërt, Prishtinës së Re, pas përmbylljes së ndeshjeve të javës së 15-të në Ligën e Parë të Kosovës në futboll. Kjo epërsi e bardhezinjve mund të jetë edhe më e madhe, duke llogaritur faktin se prizrenasit kanë një ndeshje më pak të zhvilluar, atë kundër Mitrovicës. Aktualisht, Liria mban kreun e renditjes me 35 pikë të tubuara, e ndjekur nga Prishtina e Re me 32 pikë, Dinamo me 26, Istogu me 25 dhe Ferizaji me 24 pikë, për të vazhduar me skuadrat e tjera në tabelë. Në kuadër të kësaj xhiroje, sfidat e zhvilluara dhuruan këto rezultate: Vjosa – Lepenci 1:1 Ramiz Sadiku – Mitrovica 1:0 Prishtina e Re – Rilindja 1974 4:1 Trepça '89 – Tefik Çanga 0:2 Liria – Besa 2:0 2 Korriku – Dinamo 0:1 Istogu – Kika 1:0 Vëllaznimi – Trepça 2:2 Ferizaj – Suhareka (nesër, ora 13:00)