Kryesimi i Superligës i takon Trepçës pas triumfit spektakolar ndaj Rahovecit 029

Klubi i basketbollit Trepça karegjistruar një fitore bindëse dhe pa shumë vështirësi me rezultatin 92-58 kundër Rahovecit 029, në kuadër të xhiros së tetë të Superligës së Kosovës. Në radhët e skuadrës nga Mitrovica, shënimi i pikëve ishte një arritje kolektive, pasi secili prej basketbollistëve kontribuoi në parket. Më efikasi i ndeshjes u tregua Kenny Hasbrouck me 19 pikë të shënuara, i ndjekur nga Payne që kontribuoi me 16 të tjera. Në anën tjetër, te skuadra e Rahovecit 029, lojtari më i dalluar në aspektin individual ishte Visar Ejupi, i cili arriti të realizojë 10 pikë. Falë këtij suksesi dhe pengesës së Bashkimit, “Xehetarët” janë ngjitur në majë të tabelës së Superligës. Aktualisht, Trepça mban bilanc prej gjashtë fitoresh dhe dy humbjesh, duke u barazuar me pikë me prizrenasit dhe Borën.