Debutimi i ëndrrave për Zidanen: Franca triumfon ndaj Belgjikës falë magjisë së Olises

Përfaqësuesja e Francës ka regjistruar fitoren e dytë radhazi në Ligën e Kombeve, duke triumfuar me rezultat minimal 0-1 përballë Belgjikës, në kuadër të xhiros së dytë të Grupit A1. Vendimi i ndeshjes erdhi në minutat e fundit të takimit, konkretisht në të 88-ën. Pas një aksioni të ndërtuar mirë, Cherki shërbeu për Olisen, i cili me një goditje të saktë tundi rrjetën, duke i siguruar tre pikë të çmuara kombëtares së tij. Ndonëse belgët tentuan me ngulm të riktheheshin në lojë në çastet e fundit, mungesa e saktësisë bëri që rezultati të mbetet i pandryshuar. Ky sukses shënon fillimin perfekt të Zinedine Zidane në stolin e “Gjelave”, i cili ka arritur të marrë dy fitore në po aq ndeshje të drejtuara deri më tani. Pas këtij rezultati, Franca kryeson e vetme grupin me gjashtë pikë të plota. Pas saj renditen Italia dhe Belgjika me nga tri pikë, ndërsa Turqia mbyll tabelën pa asnjë pikë të grumbulluar.