Vështirësi te Barcelona: Rodri cakton datën e rikthimit pas lëndimittë rëndë

Klubi i Barcelonës ka marrë një goditje të rëndësishme në mesfushë, pasi Rodri u detyrua të lërë fushën e lojës gjatë duelit të Ligës e Kampionëve kundër Aston Villas, duke shqetësuar stafin teknik dhe tifozët. Sipas informacioneve të siguruara, 30-vjeçari do të duhet të qëndrojë larg fushave të blerta për afro një muaj, për shkak të dëmtimit të pësuar. Pavarësisht zhgënjimit fillestar, mesfushori nga Spanja ka vendosur një synim të qartë: të rikuperohet plotësisht dhe të jetë gati për sfidën emocionale kundër ish-skuadrës së tij, Manchester Cityt. Kjo supersfidë është caktuar të luhet më 8 dhjetor, në stadiumin ikonik “Spotify Camp Nou”, një datë që tashmë është shënuar në kalendarin e rikuperimit të lojtarit. Pas një nisjeje të vështirë psikologjike pas kuptimit të shkallës së dëmtimit, Rodri tani shfaqet mjaft i motivuar dhe optimist për ecurinë e fazës së rehabilitimit. Që prej transferimit të tij te katalanasit, spanjolli është kthyer në një shtyllë të padiskutueshme në skemat e trajnerit Hansi Flick, duke u aktivizuar në 14 nga 15 ndeshjet e këtij sezoni. Akutualisht, dëmtimi do ta detyrojë atë të shohë nga tribuna disa takime kyçe të skuadrës, duke nisur nga përballjet ndaj Atletico Madridit dhe Villarrealit. Gjithashtu, ai do t'i mungojë skuadrës në ndeshjet e radhës kundër Sabahut, Deportivo de La Corunas dhe Celta Vigos. Pavarësisht mungesave të gjata, fokusi i tij i vetëm mbetet rikuperimi në kohë rekord për duelin e madh ndaj “Qytetarëve”. Për 30-vjeçarin, ky takim mbart një peshë emocionale të jashtëzakonshme, pasi do të mat fuqitë me klubin ku kaloi vite të arta dhe ngriti trofe të rëndësishëm në karrierën e tij. Në kampin katalanas janë optimistë për situatën, por stafi mjekësor mbetet i kujdesshëm dhe nuk ka ndërmend të rrezikojë me një rikthim të parakohshëm të mesfushorit kryesor.