Tragjedi në Gostivar: Humb jetën 58-vjeçari, autoritetet nisin hetimet

Një ngjarje e rëndë është regjistruar në orët e mbrëmjes së datës 06.11.2026 në qytetin e Gostivarit, ku një 58-vjeçar është gjetur pa shenja jete në rrugën "Beliçica". Sipas informacioneve zyrtare nga Sektori i Punëve të Brendshme të Tetovës, rreth orës 19:50, Ndihma e Shpejtë Mjekësore e Gostivarit ka njoftuar policinë se gjatë ndërhyrjes në terren për t'i dhënë ndihmën e parë një personi, mjeku kujdestar ka konstatuar vdekjen e tij, ndërsa në trup nuk janë vërejtur shenja të dukshme dhune. Menjëherë pas marrjes së njoftimit, efektivët e policisë kanë dalë në vendin e ngjarjes dhe kanë identifikuar viktimën, e cila është shtetasi M.F., 58 vjeç, banor i Gostivarit. Këqyrja e detajuar e vendit të ngjarjes është kryer nga një ekip i specializuar pranë Drejtorisë së Punëve të Brendshme të Gostivarit, në bashkëngjitje dhenën drejtimin e prokurorit publik kujdestar nga Prokuroria Themelore Publike Gostivar. Në mbështetje të urdhrit të lëshuar nga prokurori publik, trupi i pajetë i viktimës është dërguar për obduksion mjeko-ligjor, për të përcaktuar shkaqet e sakta të vdekjes.