Manuel Neuer thyen një tjetër rekord historik te Bayern Munich

Portieri legjendar Manuel Neuer është gati të vendosë një tjetër pikë referimi historike me fanellën e klubit bavarez, duke zbritur sërish në fushë si titullar. Në moshën 40 vjeç e 225 ditë, ylli gjerman do të regjistrojë paraqitjen e tij të radhës, duke u shndërruar zyrtarisht në lojtarin më të moshuar që luan ndonjëherë për Bayern-in në kampionatin gjerman, Bundesligë. Me këtë paraqitje në stadiumin “MEWA ARENA” kundër Mainz-it, gardiani veteran lë pas një tjetër emër të njohur të historisë bavareze sa i përket jetëgjatësisë në fushë. Ky primat deri më tani mbahej nga ish-portieri Bernd Dreher, i cili kishte mbrojtur portën e Bayern-it në moshën 40 vjeç e 198 ditë.