Tragjedi në Poloni: Pesë të vrarë dhe dhjetëra të plagosur nga të shtënat me armë në Krakov

Pamjet e para nga qyteti i Krakovit shfaqin praninë e shtuar të ekipeve të emergjencës në vendngjarje, menjëherë pas një incidenti të rëndë me armë zjarri të regjistruar në zonën e tregut. Në vendin e ngjarjes vërehen dëme të konsiderueshme materiale pranë një lokali lokal që ka pësuar shkatërrime dhe rrëmujë si pasojë e sulmit, ndërkohë që autoritetet vijojnë hetimet për zbardhjen e plotë të rrethanave. Sipas njoftimit zyrtar nga policia polake, të paktën pesë persona kanë humbur jetën, ndërsa rreth dymbëdhjetë të tjerë kanë pësuar lëndime trupore nga ky sulm i armatosur. Forcat e rendit bënë të ditur se ngjarja tragjike ndodhi rreth orës 15:00, sipas kohës lokale, në një nga zonat e frekuentuara të qytetit. Duke iu referuar deklaratës zyrtare të policisë, ngjarja nisi kur një person hyri me automjet në shesh dhe nisi të qëllonte në mënyrë të verbër dhe të rastësishme ndaj qytetarëve nga dritarja e makinës. Autoritetet konfirmuan gjithashtu se autori i dyshuar është kapur dhe arrestuar nga forcat e sigurisë, ndërsa mes të plagosurve gjenden edhe disa efektivë të policisë që ndërhynë në vendngjarje.