Kamenica bëhet me hapësira të reja parkimi, drejt përfundimit punimet te Banesat e Qytetit

Kryetari i Komunës së Kamenicës, Kadri Rahimaj, ka njoftuar se po shkojnë drejt fazës finale punimet për krijimin e hapësirave të reja të parkimit në zonën e Banesave të Qytetit. Krahas këtij intervenimi, kreu i komunës ka bërë të ditur se projekte të ngjashme për zgjerimin e infrastrukturës rrugore dhe vendparkimeve janë duke u zbatuar edhe pranë Stacionit të Policisë, si dhe afër Qendrës Kryesore të Mjekësisë Familjare (QKMF). Këto investime publike kanë për qëllim kryesor shtimin e kapaciteteve për automjete, përmirësimin e rendit urban dhe lehtësimin e lëvizjes së përditshme për të gjithë banorët e Kamenicës. “Më shumë hapësira për parkim, më shumë rregull dhe lehtësi për qytetarët e Kamenicës”, ka theksuar Rahimaj në njoftimin e tij.