Pas ndërhyrjes kirurgjikale: Daut Demaku tërhiqet përkohësisht nga komunikimi për shkak të rikuperimit

Daut Demaku ka njoftuar publikun se i është nënshtruar një ndërhyrjeje mjekësore dhe aktualisht gjendet në proces rehabilitimi. Përmes një deklarate të përcjellë nga familjarët e tij me kërkesë të vetë atij, është bërë e ditur se procesi i shërimit po zgjat më shumë sesa kishin parashikuar ekspertët e shëndetësisë. Si pasojë e kësaj situate, ai ka vendosur të vazhdojë pushimin mjekësor, duke mbetur i shkëputur nga çdo kanal komunikimi dhe angazhim i përditshëm. Demaku ka sqaruar se gjatë kësaj kohe nuk do të ketë mundësi t'i përgjigjet thirrjeve telefonike apo mesazheve të ndryshme. Më poshtë po sjellim mesazhin e plotë të dërguar nga Daut Demaku: Të dashurit e mi, Ky njoftim po publikohet me kërkesën time, përmes familjarëve, pasi së fundmi kam kaluar një ndërhyrje mjekësore dhe aktualisht jam në fazën e rehabilitimit. Shërimi dhe rikuperimi po marrin më shumë kohë sesa ishte parashikuar fillimisht nga mjekët. Për këtë arsye, gjatë gjithë kësaj periudhe nuk kam qenë i qasshëm dhe do të vazhdoj të jem përkohësisht larg komunikimit dhe aktivitetit të zakonshëm. Kam vendosur të vazhdoj pauzën dhe të përqendrohem te rehabilitimi. Për momentin nuk do të mund t’u përgjigjem as telefonatave dhe as mesazheve. Ju falënderoj për mirëkuptimin, durimin dhe kujdesin tuaj. Shpresoj që me përmirësimin e gjendjes, të mund t’i kthehem rutinës dhe aktivitetit tim. Deri atëherë, ju uroj shëndet dhe ju them: kujdesuni për veten, sepse shëndeti është mbi gjithçka! Me shumë përzemërsi! D.D.