Tirana ndal hovin e durrsakëve, triumf me vuajtje ndaj Teutës në “Selman Stërmasi”

Kryeqytetasit e Tiranës janë rikthyer te suksesi në kampionat, duke regjistruar një fitore të madhe ndaj një prej skuadrave pretendente për trofeun, Teutës, në një përballje mjaft të tensionuar dhe të luftuar fort në stadiumin “Selman Stërmasi”. Gjatë këtij takimi, protagonistët kryesorë ishin portierët e të dyja ekipeve, të cilët shkëlqyen me pritje spektakolare, duke hequr nga rrjeta topa që shiheshin si gola të sigurt. Gardiani francez i durrsakëve, Bernardoni, bëri një ndeshje të madhe duke neutralizuar edhe një penallti të ekzekutuar nga Daci në fraksionin e dytë të lojës, por megjithatë nuk mundi të shmangte golin e vendimtar të po këtij të fundit, i cili me një goditje të saktë i dha avantazhin dhe fitoren minimale 1-0 skuadrës bardheblu.