Vazhdon protesta para Arsimit, studentët ruajnë pavarësinë dhe mbajnë larg mbështetësit e PD-së

Tensioni dhe zhvillimet para Ministrisë së Arsimit vijojnë, teksa studentët po mbajnë një tubim të ndarë qartë nga simpatizantët e Partisë Demokratike. Pas incidenteve dhe përplasjeve të ndodhura më parë, situata ka shënuar një distancim të dukshëm mes palëve, pasi vetë të rinjtë kanë refuzuar çdo lloj angazhimi apo mbështetje politike në kauzën e lor. Gjatë zhvillimit të protestës, studentët kanë rikonfirmuar qëndrimin e tyre të prerë se tubimi duhet të mbetet tërësisht qytetar dhe i çliruar nga ndikimet e partive politike. Në këtë linjë, mbështetësit e forcës opozitare po vazhdojnë të qëndrojnë mënjanë, duke mos u përzier me turmën e studentëve që po kërkojnë plotësimin e kërkesave të tyre para dikasterit të arsimit.