Përballja Tirana-Teuta: Zbardhen zgjedhjet e trajnerëve dhe formacionet zyrtare

Këtë mesditë, duke nisur nga ora 13:30, stadiumi “Selman Stërmasi” do të jetë skena e duelit mes Tiranës dhe Teutës, sfidë kjo e vlefshme për javën e 11-të të kampionatit Abissnet Superiore. Bardheblutë e drejtuar nga trajneri Klafuriç do të duhet të bëjnë llogaritë pa disa mungesa kyçe në këtë takim, ku spikasin ato të Krymit dhe Berishës. Ndërkohë, sulmuesi Xhixha e nis ndeshjen nga stoli, ndërsa lajmi i mirë për kryeqytetasit është rikthimi i Ndong. Nga ana tjetër, skuadra e Teutës nuk do të mund të llogarisë shërbimet e Përgjonit, ndërsa tekniku Edlir Tetova ka operuar me disa ndryshime në formacion krahasuar me ndeshjen e kaluar kundër Partizanit. Për sa i përket zgjedhjeve startuese, Tirana do të zbresë në fushë me formacionin: Bekaj; Vera, Kollej, Staniç, Ndong, Qerimaj, Meta, Mysloviç, Alvarez, Kish. Ndërkaq, Teuta do t'i besojë nga minuta e parë këtëmbëdhjetëshe: Bernardoni; Zhongo, Jazxhi, Fangaj, Daci, Votlai, Boçi, Maçolli, Kallaku, Arifi, Umejiego.