Analiza e Mauro: Pse Juventusit i duhet urgjentisht një qendërsulmues i mirëfilltë?

Pavarësisht triumfit të fundit kundër AZ Alkmaar në kuadër të “Europa League”, te Juventusi mbetet ende nevojë për konfirmime të mëtejshme në mënyrë që të flitet për një kthesë të vërtetë të formës. Ish-mesfushori i njohur i bardhezinjve, Massimo Mauro, ka zbërthyer me kritika sfidat me të cilat po përballet ekipi i drejtuar nga Luciano Spalletti, duke evidentuar mungesën e vazhdimësisë dhe ngërçet e theksuara në repartin ofensiv. “Nëse sfida ndaj AZ-së do të vazhdonte edhe për pesë minuta të tjera, Juventusi rrezikonin të barazonte rezultatin. Grupi shfaqi edhe një herë tjetër limitet e veta, të cilat i atribuohen më shumë aspektit karakterial sesa atij teknik”, – theksoi Mauro në analizën e tij. Mauro ka ngritur gjithashtu pikëpyetje të forta rreth profilittë Nick Woltemade. “Ai ka cilësi të ndryshme, por nuk është një sulmues i mirëfilltë. Bëhet fjalë për një lojtar hibrid, për të cilin kam dyshime të mëdha nëse do të shndërrohet ndonjëherë në një goleador të madh apo në një mesfushor të spikatur”, – u shpreh ai. Në lidhje me Randal Kolo Muani, ish-lojtari sugjeron se pozicioni ideal për të është në krahët e fushës. “Në atë pozicion ai jep maksimumin, pasi ka hapësirë për të vrapuar, për të lëvizur lirshëm dhe madje për të zbritur poshtë për të ndërtuar aksionin dhe për të zotëruar topin”, – përfundoi Mauro.