Vlerësim i lartë në SHBA: Garda Kombëtare e Iowa-s dekoron gjenerallejtënant Bashkim Jasharin

Komandanti i Forcës së Sigurisë së Kosovës (FSK), gjenerallejtënant Bashkim Jashari, është pritur me nderime të larta në Shtetet e Bashkuara të Amerikës, ku është shpërblyer me dy dekorata prestigjioze nga Garda Kombëtare e Iowa-s. Gjatë kësaj vizite, kreu i FSK-së është ndarë me Medaljen e Arritjeve të Larta të Gardës Kombëtare të Iowa-s, si dhe me Urdhrin e Shën Mauricit, i cili përfaqëson një nga mirënjohjet më tradicionale dhe më të rëndësishme në radhët e forcave të këmbësorisë. Sipas komunikatës zyrtare të lëshuar nga FSK-ja, këto çmime iu dorëzuan gjeneralit Jashari nga adjutanti i përgjithshëm i Gardës Kombëtare të Iowa-s, gjeneralmajor Stephen E. Osborn. Ky i fundit ka vlerësuar lart angazhimin dhe rolin e Jasharit në forcimin dhe thellimin e bashkëpunimit ushtarak ndërmjet Republikës së Kosovës dhe Shteteve të Bashkuara.