Konfirmohet rikthimi: Edicioni i gjashtë i “Big Brother VIP Albania” vjen së shpejti në Top Channel

Spektakli televiziv që ka thyer çdo standard shikueshmërie dhe ka mbërthyer pas ekranit miliona shqiptarë kudo në botë, “Big Brother VIP 6”, do të nisë transmetimin në ekranin e Top Channel. Përmes një videoje të publikuar në llogarinë zyrtare të formatit në rrjetet sociale, ku spikat thirrja “It’s time” (Është koha), është paralajmëruar zyrtarisht nisja e këtij edicioni të ri që pritet të ngjallë sërish interes të jashtëzakonshëm te publiku. Ndërkaq, në hapësirën digjitale tashmë kanë nisur aludimet dhe qarkullimi i emrave të parë të njohur të skenës dhe ekranit që përfliten se do t'i bashkohen garës. Spekulimet do të marrin fund shumë shpejt, kur të zulohen zyrtarisht banorët e rinj që do të pranojnë sfidën për t'u izoluar dhe vëzhguar 24 orë në ditë nga kamerat e shtëpisë më të famshme në vend. Aksesi te ky reality show do të jetë i plotë për shikuesit, pasi “Big Brother VIP 6” do të transmetohet si zakonisht përmes dy kanaleve të dedikuara posaçërisht në platformën DigitAlb.