Magji në fushë, sulmuesi i Kombëtares shqiptare triumfin në Turqi me golin e javës

Sulmuesi i Kombëtares shqiptare ka lënë gjurmë të thella në Superligën turke, duke rrëmbyer çmimin prestigjioz për realizimin më të bukur të javës, pas një votimi të gjerë nga ana e tifozëve. Në triumfin 2-0 që Trabzonspori arriti në fushën e vet përballë Gaziantepit, lojtari kuqezi ishte figura kryesore e takimit, duke dhuruar një paraqitje të jashtëzakonshme që u kurorëzua me një supergol. Episodi vendimtar u regjistrua në minutën e 61-të të ndeshjes, kur 24-vjeçari lëshoi një goditje fantastike, e cila jo vetëm që ngriti peshë stadiumin, por u shndërrua menjëherë në kryefjalën e mediave sportive dhe u përfshi në garën për golin më të bukur të javës. Falë mbështetjes masive në votim, talenti shqiptar mposhti konkurrencën e rivalëve të tjerë, duke marrë kështu vlerësimin maksimal nga publiku turk dhe duke konfirmuar formën e shkëlqyer që po kalon. Ky sukses i radhës dëshmon qartë rritjen e vazhdueshme të lojtarit, i cili po shndërrohet në një pikë referimi për Trabzonsporin, ndërsa paraqitjet e tij bindëse premtojnë se ai do të jetë protagonist edhe në sfidat e ardhshme.