Diplomatja amerikane Prattipati në takim me komandantin e KFOR-it: Theksi te siguria e të gjitha komuniteteve në vend

E Ngarkuara me Punë e Ambasadës së Shteteve të Bashkuara të Amerikës në Kosovë, Anu Prattipati, ka zhvilluar një takim zyrtar me komandantin e misionit paqeruajtës të KFOR-it, gjeneralmajor Roberto Vergori. Ky zhvillim u bë i ditur nga vetë Përfaqësia diplomatike amerikane në Prishtinë, e cila përmes një njoftimi zyrtar në rrjetet sociale ka ndarë detajet e këtij takimi të rëndësishëm. Gjatë bisedës mes dy zyrtarëve të lartë, është vënë theksin e veçantë te domosdoshmëria e garantimit të një mjedisi të qetë, të sigurt dhe të qëndrueshëm përfaqësuesit e të gjitha komuniteteve që jetojnë në Kosovë. Ky takim zhvillohet në kuadër të partneritetit të vazhdueshëm dhe bashkëpunimit të ngushtë ndërmjet Shteteve të Bashkuara dhe strukturave të NATO-s në Kosovë, me qëllim të ruajtjes së paqes dhe stabilitetit rajonal.