Uashingtoni vë në shënjestër programin bërthamor të Iranit, premton 20 milionë dollarë për të dhëna sekrete

Administrata amerikane ka ndërmarrë një hap të ri në përballjen me Teheranin, duke vënë në dispozicion një shpërblim prej 20 milionë dollarësh, si dhe mundësinë e zhvendosjes së sigurt për çdo individ që do të ndajë informacione vendimtare rreth programit bërthamor të Iranit. Kjo thirrje publike është bërë publike të premten nga Komanda Qendrore e Forcave të Armatosura të Shteteve e Bashkuara (CENTCOM), përmes një njoftimi të shpërndarë në rrjetin social X. Sipas të dhënave të bëra të njohura nga CENTCOM, detajet që kërkohen nga Uashingtoni përfshijnë të dhëna për infrastrukturën fizike, pajisjet teknologjike, si dhe rrjetin e personelit që i shërben ambicieve bërthamore të Republikës Islamike. Në veçanti, strukturat amerikane kanë vënë theksin te mbledhja e informacioneve mbi shkencëtarët e angazhuar në këtë sektor, itineraret dhe lëvizjet e tyre, si dhe çdo lëvizje tjetër të dyshimtë të pajisjeve apo personave që lidhen ngushtësisht me këtë program.