Tragjedi në kryeqytet: Austriaku gjetur pa shenja jete në një banesë

Një shtetas austriak ka ndërruar jetë në rrethana ende të paqartë, pasi është gjetur pa shenja jete brenda një banese të vendosur në rrugën “Isa Boletini” në qytetin e Prishtinës. Sipas informacioneve zyrtare, incidenti është regjistruar gjatë pasdites së djeshme. Menjëherë pas marrjes së njoftimit, në vendin e ngjarjes kanë mbërritur njësitë e duhura policore së bashku me ekipin mjekësor, i cili nuk ka mundur të bëjë gjë tjetër veçse të konstatojë vdekjen e viktimës. Në lidhje me këtë ngjarje, Policia e Kosovës ka bërë të ditur se, me urdhër të prokurorit kompetent, rasti është regjisruar zyrtarisht dhe trupi i pajetë është dërguar pranë Institutit të Mjekësisë Ligjore (IML) për t'i nënshtruar obduksionit, ndërkohë që hetimet vijojnë për zbardhjen e plotë të rrethanave.