Fundjavë me diell dhe ngrica në mëngjes: Ja çfarë moti na pret këtë të shtunë

Për ditën e nesërme, të shtunën, meteorologët parashikojnë mbizotërim të motit kryesisht me diell. Megjithatë, gjatë orëve të para të mëngjesit, qytetarët do të përballen me ngrica, ndërsa në zona të caktuara ultësira dhe lugina mund të ketë prezencë të vranësirave të ulëta. Sa i përket erës, ajo do të fryjë nga drejtime të ndryshme, duke ruajtur një shpejtësi relativisht të lehtë prej 5 deri në 20 kilometra në orë. Temperaturat do të shënojnë luhatje të ndjeshme mes natës dhe ditës. Vlerat minimale do të zbresin nga -2 deri në 1 gradë Celsius, ndërkohë që termometri gjatë ditës do të ngjitet në vlera maksimale nga 10 deri në 12 gradë Celsius.