“Kam katër fëmijë për shkakun tënd desha ta vras veten”, përplasje e ashpër dhe akuza të rënda mes Jonës dhe Doresës në BBVK 5

Atmosfera në shtëpinë e “Big Brother VIP Kosova 5” është tensionuar ndjeshëm pas një ballafaqimi të drejtpërdrejtë mes banores Jona dhe influencerores Doresa, një diskutim ky ku më pas u përfshi edhe Lejla. Debati u ndez fillimisht nga Doresa, e cila i kërkoi llogari Jonës se si mund të bëjë gjumë të qetë, duke e akuzuar atë për fyerje dhe bullizim të vazhdueshëm në rrjetet sociale. Nga ana e saj, Jona i ktheu përgjigje akuzave duke pohuar se e gjithë kjo është një fushatë e ndërsjellë, pasi sipas saj, edhe Doresa kishte hapur llogari false në emrin e saj. Për të provuar këtë pretendim, ajo paraqiti edhe disa fotografi gjatë debatit. Më pas, situata u tensionua edhe më shumë kur Doresa solli në vëmendje një ngjarje të vitit 2015, duke e akuzuar Jonën se e kishte bullizuar në të kaluarën për shkak të pamjes dhe formave të trupit. Konflikti mori përmasa më të mëdha kur Doresa hodhi akuza të reja, duke pohuar se Jona kishte ndërhyrë në jetën e saj private duke i shkruar hapur bashkëshortit të saj. Ky ballafaqim i ashpër solli një seri akuzash dhe kundërakuzash të ndërsjella, duke zbuluar pakënaqësi të vjetra dhe sjellje të kaluara mes dy konkurrenteve.