Bashkëpunimi dypalësh në fokus: Prattipati pret në takim gjeneralin amerikan Stephen Osborn

E ngarkuara me punë në Ambasadën e Shteteve të Bashkuara të Amerikës në Prishtinë, Anu Prattipati, ka zhvilluar një takim zyrtar me gjeneralmajorin Stephen Osborn, i cili mban detyrën e Agjutantit të Përgjithshëm të Gardës Kombëtare të Ajovës, në kuadër të vizitës së tij në vendin tonë. Sipas njoftimit zyrtar të misionit diplomatik amerikan, diplomatia Prattipati i ka shprehur mirënjohjen gjeneralit Osborn përkushtimin dhe rolin e tij kyç në avancimin e lidhjeve ushtarake dhe të mbrojtjes mes Shteteve të Bashkuara dhe Kosovës. Ajo ka vënë theksin te kontributi i çmuar i dhënë për zgjerimin dhe forcimin e partneritetit strategjik ndërmjet shtetit të Ajovës dhe Kosovës, një nismë kjo që shërben si shtyllë e rëndësishme për intensifikimin e bashkëpunimit në sektorin e sigurisë. Lidhja e ngushtë ndërmjet institucioneve të sigurisë së Kosovës dhe Gardës Kombëtare të Ajovës mbetet një element thelbësor i mbështetjes së vazhdueshme amerikane për zhvillimin dhe ngritjen e kapaciteteve mbrojtëse të vendit.