Diplomimi i gjeneratës më të re, Kurti: Përkushtimi ndaj ligjit dhe ndershmëria janë çelësi i suksesit policor

Kryeministri i Republikës së Kosovës, Albin Kurti, ka marrë pjesë në ceremoninë solemne të diplomimit të gjeneratës së 63-të të Policisë së Kosovës, ngjarje kjo ku u kurorëzuan me sukses 397 kadetë të rinj, prej të cilëve 118 janë gra dhe 279 janë burra. Gjatë fjalës së tij përtheksoi rëndësinë e palëkundur që ka puna e ndershme dhe lartësimi i standardeve etike në ruajtjen e rendit publik, duke kërkuar nga brezi i ri që detyrën ta ushtrojë me përkushtim maksimal ndaj qytetarëve. “Përfaqësimi i këtij institucioni është ndër përgjegjësitë më të larta e cila mund dhe duhet t’ju besohet juve. Shërbimi me integritet dhe profesionalizëm duhet të mbetet përherë prioritet. E virtytet, ideali dhe disiplina sigurisht që u janë forcuar. Gjatë kësaj por juve ju keni kaluar në fazat e provave, sfidave, e të mënyrave se si duhet qasur secila situatë dhe menaxhuar çdo detyrë. Asnjëherë mos i harroni mësimet dhe udhëzimet të cilët do t’ju udhëheqin gjatë mandatit e shërbimit tuaj”, u shpreh ndër të tjera kreu i ekzekutivit. Në fjalimin e tij, ai vuri në dukje edhe përkujdahjen e vazhdueshme financiare dhe logjistike të kabinetit qeveritar ndaj forcave policore, duke bërë me dije se gjatë pesë viteve të shkuara fondet buxhetore për këtë sektor kanë shënuar një rritje prej më shumë se 50 për qind. Kryeministri gjithashtu bëri të ditur se në të njëjtën periudhë kohore janë ndërtuar, ngritur dhe fuqizuar gjithsej 20 stacione, objekte dhe baza të reja policore në të gjithë territorin e shtetit. “Qeverinë tonë do ta keni përherë përkrah. Mbështetjen për Policinë e Kosovës e kemi dëshmuar vazhdimisht, shumë më lart dhe pakrahasueshëm me periudhat e mëparshme, me buxhet të alokuar dhe jo vetëm. Në pesë vitet e fundit, përveç se është shtuar buxheti për Policinë e Kosovës për mbi 50%, i kemi 20 stacione, objekte dhe baza policore që janë ngritur dhe forcuar në gjithë veriun e vendit tonë. Policia e rendit është e pajisur me armë të gjata, të cilat më herët mungonin, dhe automjete e autoblinda të reja me blerë gati 8 milionë euro. Siguria në veri dhe angazhimi i policisë ka bërë të mundur gjetjen e tri varrezave masive prej luftës së fundit në fshatrat Kalludër e vogël dhe Jabukë të Zubin Potokut. Arritjet janë të shumta, por me ato nuk duhet, nuk bën të vetëkënaqemi”, theksoi kreu i qeverisë.