Nga paraburgimi me AI, Veliaj: Persekutohem prej 20 muajsh, por nuk i ndal investimet për fëmijët e Tiranës

Kryetari i Bashkisë së Tiranës, Erion Veliaj, ka publikuar këtë të premte në profilin e tij zyrtar në rrjetin social “Facebook” një video të realizuar përmes inteligjencës artificiale. Në këtë mesazh, ai njofton miratimin e projekteve të reja për ngritjen e 15 kopshteve dhe çerdheve në kryeqytet. Sipas kreut të Bashkisë, me shtimin e këtyre objekteve të reja, shifra e përgjithshme e çerdheve dhe kopshteve të ndërtuara apo të projektuara gjatë mandatit të tij shkon në 130. Pavarësisht rrethanave dhe izolimit, ai thekson se mbetet i palëkundur në përmbushjen e angazhimeve të tij ndaj qytetarëve. “Pasi më rrëmbyen nga zyra e Kryetarit të Bashkisë me letra anonime, pasi tentuan të më shkarkonin nga detyra në mënyrë antikushtetuese, pasi e bënë çorbë menaxhimin e Tiranës, pasi më persekutojnë dhe më mbajnë në paraburgim politik prej 20 muajsh, në një ping-pong gjykatash, pasi më rrëmbyen për të më ndërruar birucën pa një shkresë te vetme dhe pasi më kërcënuan edhe aty, përsëri sot miratova projektet për 15 çerdhe dhe kopshte të reja për fëmijët e Tiranës! Me këto projekte, numri i çerdheve dhe kopshteve të ndërtuara apo të projektuara gjatë administrimit tim arrin në 130! Jo në Durrës e Fier, por edhe në Hënë po të duan të më internojnë, unë do t’u qëndroj besnik prioriteteve të mia”, deklaron ai në videon e gjeneruar me inteligjencë artificiale. Më poshtë paraqitet lista e plotë e çerdheve dhe kopshteve të miratuara gjatë ditës së sotme: Nj. 9, Kopsht, Don Bosko, 150 fëmijë Nj. 12, Kopsht, Fresku, 150 fëmijë Nj. 13, Çerdhe, Kodra e Diellit, 50 fëmijë Nj. 9, Çerdhe, Don Bosko, 100 fëmijë Nj. 13, Çerdhe, Liqeni i Thatë, 50 fëmijë Nj. 9, Çerdhe, Stracioni i Trenit, 100 fëmijë Petrelë, Kopsht, Daias, 16 fëmijë Dajt, Kopsht, Tufinë, 33 fëmijë Nj. 12, Kopsht, Sh. 17 Shkurti, 122 fëmijë Nj. 1, Kopsht, Tregu Elektrik, 120 fëmijë Nj. 7, Çerdhe, Fusha Aviacionit, 100 fëmijë Nj. 7, Çerdhe, Dogana, 100 fëmijë Nj. 7, Kopsht, Zogu i Zi, 150 fëmijë Nj. 14, Çerdhe, Yzberisht, 100 fëmijë Nj.