Në fokus ecuria e punimeve: Zëvendësministri i Jashtëm turk viziton Xhaminë Qendrore në Prishtinë

Zëvendësministri i Punëve të Jashtme të Turqisë, Hacı Ali Özel, ka zhvilluar sot një vizitë në Kompleksin në fazë ndërtimi të Xhamisë Qendrore në kryeqytetin e Kosovës. Gjatë këtij inspektimi, ai është shoqëruar nga i ngarkuari me punë i Ambasadës së Turqisë në vendin tonë, Mustafa Babür Hızlan, si dhe nga përfaqësuesi i Kryesisë së Bashkësisë Islame të Kosovës, hafëz Mustafë ef. Dallku. Gjatë qëndrimit në kantierin e këtij objekti kulti, diplomati i lartë turk u njoftua në detaj mbi ecurinë e deritanishme, ritmin e punimeve dhe peshën e veçantë që do të ketë ky kompleks për komunitetin mysliman dhe mbarë jetën fetare në Kosovë. Në kuadër të kësaj vizite, palët vlerësuan lart përkushtimin për jetësimin e këtij projekti madhor. Xhamia Qendrore pritet që, pas përfundimit, të shërbejë si një ndër qendrat kryesore të veprimtarisë fetare dhe institucionale nën ombrellën e Bashkësisë Islame të Kosovës.