Nis misionin diplomatik në Tiranë ambasadori i ri i Izraelit, Begaj thekson domosdoshmërinë e thellimit të bashkëpunimit

Kreu i Shtetit, Bajram Begaj, ka mirëpritur sot në Institucionin e Presidencës përfaqësuesin e ri diplomatik të Izraelit në vendin tonë, Jonathan Peled Kaynar. Gjatë këtij takimi zyrtar, diplomati i lartë ka dorëzuar Letrat Kredenciale, duke shënuar kështu edhe nisjen zyrtare të detyrës së tij në Shqipëri. Presidenti Begaj i ka shprehur urimet më të sinqerta ambasadorit Kaynar për përmbushjen me sukses të misionit të tij. Gjatë bisedës, palët kanë konstatuar me kënaqësi nivelin e shkëlqyer të raporteve ndërshtetërore, në një vit mjaft domethënës kur Shqipëria dhe Izraeli festojnë 35-vjetorin e rivendosjes së lidhjeve diplomatike. Gjatë bashkëbisedimit, udhëheqësi shqiptar ka vënë theksin te nevoja e zgjerimit të fushave të bashkëpunimit dypalësh. Ai ka përmendur sektorë kyçë ku potencialet janë të larta, duke përfshirë ekonominë, inovacionin dhe teknologjinë, mbrojtjen kibernetike, turizmin, si dhe intensifikimin e kontakteve të drejtpërdrejta mes qytetarëve të të dy vendeve.