KDI me kritika për nisjen e Legjislaturës së 11-të: Kuvendi përballet me mungesë koordinimi dhe planifikimi

Muaji i parë i veprimtarisë së Legjislaturës së 11-të të Kuvendit të Kosovës ka shfaqur ngecje në organizimin e mirëfilltë të punëve. Sipas një vlerësimi të bërë nga Instituti Demokratik i Kosovës (KDI), kjo periudhë fillestare është karakterizuar nga një deficit i dukshëm i planifikimit të përbashkët dhe i bashkërendimit ndërmjet organeve të parlamentit. Gjatë një konference për media, ku u prezantuan gjetjet e raportit analitik për ecurinë e punimeve parlamentare, u nëvizua se mungesa e sinkronizimit ndërmjet trupave drejtuese dhe komisioneve ka ndikuar në mbarëvajtjen e mandatit të ri legjislativ.