Kërcënimi i Trump nga Uashingtoni: Bashkëpunim në Kongres ose do të përdor veton

Presidenti i Shteteve të Bashkuara, Donald Trump, ka lëshuar një paralajmërim të prerë drejtuar dy forcave kryesore politike në vend, duke theksuar se do të bllokojë çdo vendimmarrje përmes së drejtës së vetos nëse ligjvënësit nuk gjejnë gjuhën e përbashkët të bashkëpunimit në Kongres. Kreu i Shtëpisë së Bardhë ka vënë inatet politike në plan të dytë, duke sugjeruar se dy partitë mund të sjellin rezultate të larta nëse angazhohen krah për krah. Megjithatë, ai ka qenë i qartë se mungesa e konsensusit do të ndëshkohet menjëherë me përdorimin e instrumentit presidencial të bllokimit. Këto deklarata të forta të liderit amerikan vijnë në një kohë kyçe pas zgjedhjeve të mesmandatit, një periudhë kjo ku demokratët kanë arritur të konsolidojnë pozitat e tyre duke siguruar 54 ulëse në Senatin e SHBA-së – shifër kjo që përfshin edhe dy senatorë të pavarur të rreshtuar krah tyre – ndërsa kampi republikan ka mbetur me 44 ulëse.